Këshilltari i kryeministrit Albin Kurti, Jeton Zulfaj, njoftoi se gjatë një mandati qeverisës janë mbyllur strukturat paralele serbe që funksionuan në Kosovë për 20 vite, përfshirë 12 vite pas pavarësisë. Megjithatë, Kosova do të vazhdojë të njohë përkohësisht dokumentet e lëshuara nga këto struktura, siç njoftoi vetë kryeministri Kurti. Sipas Zulfajt, ka nisur tashmë procesi i integrimit të arsimit dhe shëndetësisë nga këto struktura në sistemin ligjor të Republikës së Kosovës. Ky proces do të fillojë me evidentimin dhe legalizimin e tyre, duke synuar përfshirjen e plotë në sistemin shtetëror të Kosovës.