Qeveria e Kosovës ka miratuar projektligjin për banimin social dhe të përballueshëm, një nga zotimet kryesore të saj për të garantuar banim dinjitoz për qytetarët. Ministrja e Mjedisit dhe Planifikimit Hapësinor, Fitore Pacolli, njoftoi se ligji parasheh krijimin e programeve të banimit dhe përcaktimin e kritereve për përfituesit, duke mbështetur familjet dhe çiftet e reja në nevojë. Ky projektligj synon të rregullojë procedurat për shpërndarjen e banesave sociale dhe të përballueshme në vend. Me këtë hap, Qeveria po përmbush një premtim të rëndësishëm në fushën e politikave sociale dhe banimit.