Qendra për Informim dhe Përmirësim Social (QIPS) ka paraqitur padi në Gjykatën Supreme të Kosovës kundër Zyrës së Kryeministrit, duke kërkuar shfuqizimin e disa nenëve të Rregullores për organizimin e brendshëm të Ministrisë së Shëndetësisë. Padia fokusohet në nenet 41 deri 46, të cilat rregullojnë organizimin dhe kompetencat e Institutit Special në Shtime, një strukturë brenda Shërbimit Spitalor Klinik Universitar të Kosovës që sipas QIPS-it nuk është e përcaktuar në ligjet për shëndetësinë dhe shëndetin mendor. Organizata argumenton se rregullorja cenon parimin e ligjshmërisë, pasi një akt nënligjor nuk mund të krijojë struktura apo kompetenca që nuk janë të parapara në ligj. QIPS kërkon nga Gjykata Supreme që të pranojë padinë dhe të shfuqizojë nenet e kontestuara për të mbrojtur interesin publik dhe për të siguruar përputhshmërinë me legjislacionin në fuqi.