Qytetarët e Skenderajt kanë shprehur vendosmërinë për të mos u shpërndarë deri në largimin e Njësisë Speciale që ndodhet në qytet. Shqiptar Gubetini, një prej banorëve, tha në një lidhje direkte se disponimi është për të qëndruar deri në mëngjes dhe se nuk ka dëshirë për t’u larguar pa largimin e forcave speciale. Ndërkohë, një pjesë e qytetarëve janë zhvendosur pranë Komunës së Skenderajt, duke vazhduar protestën dhe shqetësimin e tyre për praninë e shtuar policore. Situata mbetet e tensionuar, ndërsa banorët kërkojnë largimin e Njësisë Speciale për të rikthyer qetësinë në qytet.