Qytetarët e Kosovës shprehen kategorikisht kundër organizimit të zgjedhjeve të reja për postin e presidentit, duke preferuar që Vjosa Osmani të vazhdojë mandatin e saj. Në një prononcim për Ekonomia Online, disa qytetarë dhe figura publike theksuan se Osmani është e pazëvendësueshme dhe një udhëheqëse shembullore. Muharrem Tërnava dhe Salih Sejdaj shprehen se zgjedhjet e reja do të ishin një ngarkesë e panevojshme për popullin, i cili është lodhur nga proceset e shumta zgjedhore vitin e kaluar. Përkrahja për Osmanin vjen edhe nga qytetarë të thjeshtë, si Faza Gashi, e cila e konsideron atë një zgjedhje të mirë dhe të denjë për postin e presidentit.