Ish-kryeministri Ramush Haradinaj gjatë një tubimi në Rahovec ka theksuar rëndësinë e njohjes së sakrificave dhe vuajtjeve të banorëve të këtij qyteti. Ai ka theksuar se Rahoveci dhe banorët e tij njohin rrënjët e tyre më mirë se kushdo tjetër dhe nuk janë të gatshëm të pranojnë mashtrimet apo deformimet e së vërtetës. Haradinaj i ka cilësuar banorët e Rahovecit si martirë të lirisë, duke përmendur plagët dhe dhimbjet që ata mbajnë nga lufta, si dhe nevojën për të njohur dhe respektuar punën e ndershme që ata kanë bërë. Ai ka përmendur gjithashtu garën e Aleancës për zgjedhjet e 7 qershorit, ku Ardian Gjini është kandidati për kryeministër.