Kryetari i Komunës së Rahovecit, Smajl Latifi, ka zhvilluar një takim me drejtuesit e KRU “Gjakova”, për të diskutuar gjendjen e furnizimit me ujë të pijshëm në këtë komunë. Gjatë bisedimeve u theksua nevoja për sigurimin e furnizimit të qëndrueshëm me ujë gjatë sezonit veror, si dhe përmirësimi i rrjetit të ujësjellësit dhe sanimi i defekteve në mënyrë të shpejtë. Një vëmendje e veçantë iu kushtua zgjidhjes së problemit të furnizimit me ujë në fshatrat Drenoc, Senoc dhe zonën e Opterushës. Palët ranë dakord që shqetësimet e qytetarëve të trajtohen me prioritet, duke synuar përmirësimin e shërbimeve dhe eliminimin e vështirësive në furnizimin me ujë.