Komuna e Rahovecit ka filluar aktivitetin “Ora e Pritjes”, një nismë që shënon numërimin mbrapsht drejt datës 16 shtator, kur pritet vendimi për ish-udhëheqësit e Kosovës që po gjykohen në Hagë. Kjo iniciativë është pjesë e platformës qytetare “Liria ka Emër” dhe zhvillohet në disa komuna të Kosovës nën moton “Kosova po pret”. Në mbështetje të Hashim Thaçit, Kadri Veselit, Jakup Krasniqit dhe Rexhep Selimit, aktiviteti synon të bashkojë qytetarët për të shprehur solidaritetin me ta. Gjithashtu, më 12 shtator në Prishtinë do të mbahet Marshi për Liri në Sheshin “Skënderbeu”, një tubim para vendimit të rëndësishëm për heronjtë e luftës dhe paqes.