Bashkia e Tiranës pritet të jetë qendra kryesore e betejës për Partinë Socialiste në zgjedhjet vendore të vitit të ardhshëm, ku kandidimi i Ogerta Manastirliu ka nxitur Edi Ramën të “blindojë” kryeqytetin me ministrat si drejtues politikë në njësitë bashkiake. Kjo strategji synon të sigurojë një rezultat më të fortë sesa ai i Erion Veliajt në 2023, por sipas drejtuesit të komunikimit të PD-së, Alfred Lela, tregon mungesë besimi të Ramës te Manastirliu. Lela thekson se Rama e sheh kandidaturen e Manastirliut si të dobët dhe për këtë arsye ka marrë masa të veçanta për të forcuar pozicionin në Tiranë. Ai gjithashtu vëren se Rama nënvlerëson opozitën, megjithatë kandidati i PD-së, Florian Binaj, pritet të qëndrojë në garë.