Kryeministri Edi Rama reagoi me ironi ndaj protestuesve që u mblodhën në Zvërnec për të mbrojtur flamingot dhe mjedisin. Ai u bëri thirrje që gjatë vizitave të mos dëmtojnë habitatin natyror duke futur makina në plazh dhe duke lënë mbeturina si kanoçe birre, pasi kjo shqetëson shpendët dhe ndikon negativisht në ekosistem. Rama sugjeroi që automjetet të lihen pranë rrugës automobilistike dhe vizitorët të ecin në këmbë deri tek bregu, për të ruajtur qetësinë dhe pastërtinë e zonës. Ai përmendi edhe moratoriumin 10-vjeçar të gjuetisë si një shembull të mëparshëm të respektit ndaj natyrës dhe uroi të gjithë një ditë të qetë, duke ironizuar mbi sjelljen e disa prej protestuesve.