Kryeministri Edi Rama ka reaguar për protestën e opozitës që u zhvillua në rrugët e Tiranës, duke e cilësuar atë si një akt kundër qytetarëve të kryeqytetit. Në një postim në rrjetin social X, Rama krahasoi protestën me qëndrimin e Shqipërisë pranë botës së lirë kundër mullahëve të Teheranit, ndërsa opozitën e përshkroi si “me plehrat kundër qytetarëve të Tiranës”. Ai publikoi edhe foto nga sulmet në Iran dhe pamje nga protesta, ku shihej një kosh plehrash që digjej pas hedhjes së molotovëve, duke përdorur ironi për të theksuar dallimin mes qëndrimeve. Reagimi i Ramës u prit si një kundërpërgjigje e fortë ndaj veprimeve të opozitës gjatë protestës.