Kryeministri Edi Rama mblodhi sot Grupin Parlamentar të Partisë Socialiste në Pallatin e Brigadave, ku morën pjesë edhe ministrat e kabinetit qeveritar. Në fokus të takimit ishte procesi i integrimit të Shqipërisë në Bashkimin Europian, me raportime mbi konkluzionet e Konferencës së Tetë Ndërqeveritare Shqipëri-BE dhe diskutime mbi paketën e ligjeve që lidhen me anëtarësimin. Deputetët socialistë patën mundësinë të ngrinin pyetje dhe të kërkonin sqarime, ndërsa u trajtuan edhe tema të tjera si investimet në Zvërnec dhe zhvillimi turistik në ishullin e Sazanit. Mbledhja përfshiu gjithashtu një përditësim mbi reformën territoriale dhe performancën e grupit parlamentar, ndërsa pritet që Rama të komentojë edhe zhvillimet politike të fundit.