Kryeministri Edi Rama vijon serinë e takimeve intensive në Pogradec, ku pas diskutimeve me drejtuesit politikë të Partisë Socialiste, sot mblidhet me ministrat e qeverisë në një format “retreat”. Ky takim synon të bëjë bilancin e punës së deritanishme të ministrive dhe të përcaktojë objektivat dhe prioritetet për vitin e dytë të mandatit të katërt qeverisës. Në fokus të diskutimeve janë dokumentet “Besa” dhe “Pasqyrë Albania”, të cilat synojnë një qasje të re të PS-së dhe adresimin në kohë reale të shqetësimeve të qytetarëve. Pas këtyre takimeve, vëmendja pritet të përqendrohet te Asambleja Kombëtare e Partisë Socialiste në shtator, ku mund të bëhen njoftime të rëndësishme për qeverisjen dhe axhendën politike.