Kryeministri Edi Rama ka publikuar në rrjetet sociale pamje nga Konferenca Ndërqeveritare Shqipëri-Bashkimi Europian, e mbajtur në Bruksel. Videoja shoqërohet me këngën “Per sempre sì” të Sal Da Vincit, e cila përmban tekstin “Do të jemi unë dhe ti të lidhur për gjithë jetën me njëri-tjetrin”. Kjo metaforë e përdorur nga Rama i referohet shpesh anëtarësimit të Shqipërisë në BE si një “martesë”. Përmes këtij postimi, kreu i qeverisë ka përdorur përqafime dhe batuta për të theksuar lidhjen e ngushtë dhe angazhimin e vendit tonë me Bashkimin Europian.