Kryeministri Edi Rama udhëtoi drejt Jerevanit të Armenisë për të marrë pjesë në Samitin e 8-të të Komunitetit Politik Europian, i cili zhvillohet më 4-5 maj dhe bashkon 48 krerë shtetesh dhe qeverish nga e gjithë Europa, përfshirë për herë të parë edhe Kanadanë. Samiti, me moton "Ndërtimi i së Ardhmes: Uniteti dhe Stabiliteti në Evropë", do të trajtojë tema kyçe si forcimi i bashkëpunimit politik, siguria, stabiliteti dhe prosperiteti i kontinentit. Gjatë takimit, Rama do të marrë pjesë në diskutime të rëndësishme, përfshirë luftën kundër trafikut të drogës dhe forcimin e lidhshmërisë ekonomike dhe energjetike në kuadër të tranzicionit të gjelbër. Ky samit nënvizon angazhimin e Shqipërisë për të qenë pjesë aktive në dialogun strategjik europian dhe për të kontribuar në ndërtimin e një Europe më të qëndrueshme dhe të bashkuar.