Kryeministri Edi Rama ka nisur sesionin e ri politik me një seri takimesh në rezidencën qeveritare të Pogradecit, ku ka mbledhur 12 drejtues politikë të Partisë Socialiste dhe kryetarët e komisioneve parlamentare. Në fokus të diskutimeve është dokumenti “Besa” dhe një tjetër i quajtur “Prania e Besës”, të cilat synojnë përmirësimin e marrëdhënieve me qytetarët dhe përgatitjen për zgjedhjet lokale të vitit 2027. Përveç diskutimeve politike, ministrat do të raportojnë edhe për ecurinë e dikastereve të tyre gjatë periudhës janar-gusht 2026, duke përfshirë prezencën në media dhe rrjetet sociale. Ky sprint politik do të vijojë me mbledhjen e Asamblesë Kombëtare të Partisë Socialiste në fillim të shtatorit, ku priten ndryshime të mundshme në kabinetin qeverisës.