Kryeministri Edi Rama deklaroi në një intervistë për revistën italiane “Vanity Fair” se nuk ka ndërmend të japë dorëheqjen për momentin, pavarësisht protestave kundër tij në Shqipëri. Ai shtoi se mund të marrë një vendim të tillë vetëm nëse Shqipëria anëtarësohet në Bashkimin Europian, duke e konsideruar këtë moment si një rast të përshtatshëm për t’u larguar nga politika. Rama theksoi se do të qëndrojë në detyrë derisa të ndjejë “zjarrin e pasionit” për punën e tij. Në lidhje me gatishmërinë për të hequr dorë nga vetoja, ai theksoi rëndësinë e një hierarkie brenda BE-së, duke theksuar se Unioni nuk mund të funksionojë me miratimin e të gjithëve.