Kryeministri Edi Rama ka komentuar protestat që prej një muaji po zhvillohen në Tiranë, duke theksuar se pas tyre qëndrojnë individë, organizata dhe aktorë të jashtëm që synojnë të nxisin kaos dhe të mbajnë gjallë zemërimin në shoqëri. Ai shprehu mirëkuptim për shqetësimet e qytetarëve, por paralajmëroi se problemet e tyre po shfrytëzohen nga grupe që nuk duan zgjidhje, por përfitojnë nga tensionet. Rama theksoi se Bashkia e Tiranës nuk funksionon normalisht, duke përmendur se kryetari i saj ndodhet në burg, situatë që sipas tij ndikon në menaxhimin e krizës. Ai nënvizoi se këta aktorë ushqehen me problemet e të tjerëve dhe kanë interes që zgjidhja të mos vijë kurrë, duke krijuar kështu një rrëmujë më shumë shpirtërore sesa fizike.