Kryetari i Komunës së Prishtinës, Perparim Rama, ka njoftuar se renovimi i shkollës “Ismail Qemali” do të fillojë pasi të përfundojnë disa projekte të reja shkollore në kryeqytet. Aktualisht janë duke u ndërtuar dhjetë shkolla të reja, prej të cilave tri janë përfunduar dhe tri të tjera janë në fazën përfundimtare. Kjo do të lehtësojë mbingarkesën në shkollat ekzistuese dhe do të mundësojë ndërhyrje të plota në objektet si “Ismail Qemali”, pa nevojën për zhvendosje të nxënësve. Komuna synon gjithashtu të kalojë gradualisht në sistemin e mësimit tërëditor dhe po vazhdon investimet në digjitalizimin dhe pajisjen me mjete bashkëkohore të shkollave.