Kryeministri Edi Rama njoftoi në Konferencën Ndërqeveritare në Bruksel se ligji për investimet strategjike do të shfuqizohet pasi ka përmbushur misionin e vet. Ai theksoi se po punohet ngushtësisht me Komisionin Europian për hartimin e një ligji të ri që do të jetë në përputhje të plotë me standardet evropiane. Ndërsa ligji për zonat e mbrojtura nuk do të shfuqizohet, Rama vuri në dukje se do të pësojë ndryshime të nevojshme për t’u harmonizuar me kërkesat e BE-së. Ky ligj për zonat e mbrojtura konsiderohet nga më të mirët që ka vendi dhe për të është punuar shumë, duke u fokusuar në mirëformulim dhe përmirësim të specifikave ligjore.