Kryeministri Edi Rama theksoi rëndësinë e një mandati më të fortë për Partinë Socialiste në zgjedhjet e ardhshme, duke e lidhur këtë me procesin historik të integrimit të Shqipërisë në Bashkimin Europian. Ai u shpreh se Shqipëria ndodhet në një moment të favorshëm ku mbështetja ndërkombëtare është në anën e shqiptarëve dhe se duhet shfrytëzuar kjo mundësi për të mos humbur derën e hapur të Europës. Rama sqaroi se procesi i anëtarësimit është kompleks dhe kërkon përmbushjen e detyrave nga Shqipëria dhe miratimin unanim të 27 shteteve anëtare të BE-së, duke theksuar se çdo spekulim për veto apo probleme është thjesht politik. Në takimin e tij në Durrës, Rama bëri thirrje që Partia Socialiste të fitojë të gjitha bashkitë në qarkun e Durrësit, duke e cilësuar këtë si një hap kyç për të kapur “trenin e historisë” dhe për ta vendosur Shqipërinë plotësisht në Evropë, jo vetëm gjeografikisht, por edhe politikisht.