Ish-kryeinspektori i Agjencisë së Kosovës për Inteligjencë, Burim Ramadani, ka reaguar pas sulmit ushtarak të SHBA-së dhe Izraelit ndaj Iranit, duke bërë thirrje për rritje të vigjilencës së sigurisë në Kosovë. Ai thekson se në këtë krizë globale, Kosova duhet të rrisë kujdesin institucional dhe masat e sigurisë për të parandaluar destabilizimin. Ramadani paralajmëron se Serbia, si një shtet që e quan “batakçi”, mund të përpiqet të shfrytëzojë situatën për të zbatuar plane destabilizuese në rajon. Ai nënvizon se në këto momente tensioni global, mbrojtja e sigurisë së shtetit është një prioritet kryesor.