Javën e kaluar u prezantua raporti preliminar i ekspertëve britanikë lidhur me funksionimin e Dhomave të Specializuara të Kosovës në Hagë, i cili evidenton shqetësime për kohëzgjatjen e paraburgimit, mungesën e mundësive për lirimin e parakohshëm dhe kufizimet në komunikim me mbrojtjen dhe familjarët. Institucioni i Avokatit të Popullit e vlerëson raportin si një bazë të rëndësishme për reflektim dhe dialog institucional, ndërsa zëdhënësja e Speciales thekson se raporti nuk do të ndikojë në vendimmarrje, pasi gjykata është e pavarur dhe nuk ka gjetur shkelje të të drejtave të njeriut në vendimet e saj.