Drejtori Ekzekutiv i Grupit për Ballkanin, Naim Rashiti, ka theksuar se procedura për zgjedhjen e presidentit në Kosovë duhet të fillojë menjëherë, brenda ditës së sotme ose të nesërme. Ai paralajmëron se nëse kjo procedurë nuk nis, atëherë ekziston rreziku i krijimit të një krize kushtetuese dhe politike në vend. Rashiti ka bërë thirrje për rritjen e presionit mbi subjektet politike që të arrijnë një marrëveshje për zgjedhjen e presidentit. Sipas tij, vonesa në nisjen e procedurës tregon dëshirën për vakum institucional dhe destabilizim të situatës politike në Kosovë.