Ehat Miftaraj nga Instituti për Krime dhe Drejtësi ka reaguar lidhur me librin e Shkëlzen Gashit që trajton masakrat në Kosovë, duke theksuar se ky libër është shpërndarë gjerësisht nëpër takime me diasporën shqiptare në shumë vende të Evropës. Ai ka bërë me dije se në këto ngjarje kanë qenë të përfshirë edhe diplomatë të Kosovës në këto vende, ndërsa ka theksuar se librat janë shpërndarë edhe në biblioteka të ndryshme ndërkombëtare. Miftaraj i bën thirrje Ministrit të Punëve të Jashtme, Glauk Konjufca, që të reagojë urgjentisht dhe të tërheqë këto libra, pasi sipas tij ato përmbajnë manipulime të fakteve historike mbi luftën e fundit në Kosovë. Reagimi vjen në një kohë kur debati për përmbajtjen dhe shpërndarjen e këtij libri po ngjall shqetësim në opinionin publik dhe institucionet përkatëse.