Ish-komandanti i UÇK-së, Daut Haradinaj, është përballur me fyerje nga ish-polic serb i ish-Jugosllavisë, Milinko Babovic, pas një videoje ku Haradinaj kërkonte lirinë për ish-krerët e UÇK-së që po gjykohen në Hagë. Komenti i Babovic, që përmbante fjalë fyese ndaj Haradinajt dhe luftës çlirimtare, ka shkaktuar reagime të shumta në rrjetet sociale. Për habinë e shumëkujt, ky koment është pëlqyer nga tre persona me emra shqiptarë, çka ka nxitur edhe kundërpërgjigje të ashpra nga qytetarë të tjerë që e mbrojnë figurën e Haradinajt dhe luftën e UÇK-së. Milinko Babovic ka shërbyer si polic në rajonin e Dukagjinit gjatë luftës në Kosovë, duke i dhënë kështu më shumë peshë tensionit që ka krijuar ky incident online.