Djali i heroit Agim Ramadanit, Jeton Ramadani, ka reaguar ashpër ndaj deklaratës së deputetit të Lëvizjes Vetëvendosje, Fatos Geci, i cili në Kuvendin e Kosovës kërkoi dënim me burgim të përjetshëm për ish-presidentin Hashim Thaçi. Ramadani e ka cilësuar kërkesën e Gecit si mungesë klase dhe dinjiteti, duke e quajtur atë një degradim dhe duke theksuar se gëzimi për fatkeqësinë e shqiptarëve nuk përfaqëson vlera shtetërore, por vetëm përçarje. Ai gjithashtu e ka quajtur Gecin analfabet dhe ka thënë se heshtja e tij do të kishte më shumë peshë se fjalët që ka thënë. Reagimi i Ramadani vjen pas krahasimit që Geci bëri mes Thaçit dhe Naim Murselit, duke paralajmëruar se ish-presidenti do të përcillet me fat të njëjtë. Kjo polemikë ka ndezur debatet në publik për mënyrën se si trajtohen figurat që kanë luftuar për vendin.