Vajza e Tahir Sinanit, dëshmorit të luftës në Kosovë dhe Hero i Kombit, ka reaguar ashpër ndaj ministrit Taulant Balla pas publikimit të një letre ku emri i babait të saj u përfshi në një listë me luftëtarë të UÇK-së të cilët cilësohen si “mercenarë”. Ajo e akuzoi Ballën për përdhosje të figurës së Tahir Sinanit dhe kërkoi falje publike, duke thënë se me këtë akt i është bërë një poshtërim i rëndë babait të saj dhe se “gjaku i tij do ua thyejë qafën” atyre që prekin në kujtimin e tij.