Ariana Musliu-Shoshi, kryetarja e Komisionit parlamentar për media, ka reaguar ashpër ndaj deklaratave të kryeministrit Albin Kurti, i cili në Kuvend i etiketoi mediat si “argatë të brendshëm” dhe i akuzoi për “thasë parash” dhe “ndikime të fshehta” pa ofruar prova konkrete. Musliu-Shoshi e cilësoi këtë si një përpjekje të rrezikshme për të delegjitimuar fjalën e lirë dhe për të frikësuar zërat kritikë, duke e quajtur presion politik të maskuar si shqetësim etik. Ajo theksoi se në një demokraci funksionale, akuzat për financime të paligjshme duhet të adresohen në institucionet e drejtësisë dhe jo të përdoren për konsum publik politik. Sipas saj, mbrojtja e demokracisë kërkon liri mediatike, transparencë dhe respektim të pavarësisë editoriale, duke shmangur gjuhën e papranueshme dhe krijimin e një ambienti frike dhe autocensure.