Ministrja e Drejtësisë së Kosovës, Donika Gërvalla, njoftoi për përmbylljen e punëtorisë treditore ku u diskutua dhe finalizua paketa prej gjashtë projektligjesh që rrjedhin nga Deklarata e Përbashkët e Zotimit, një hap kyç në reformën e sistemit të drejtësisë në vend. Këto ligje synojnë forcimin e integritetit, llogaridhënies dhe profesionalizmit në institucionet e drejtësisë, duke adresuar për herë të parë me ligj vlerësimin e performancës së gjyqtarëve dhe prokurorëve, si dhe mundësinë e shkarkimit të tyre për mungesë pune dhe profesionalizmi. Në diskutime morën pjesë përfaqësues nga Ministria e Drejtësisë, Këshilli Gjyqësor, Këshilli Prokurorial, Policia, Agjencia Kundër Korrupsionit, shoqëria civile dhe partnerët ndërkombëtarë, duke garantuar një proces gjithëpërfshirës. Ministrja Gërvalla theksoi se këto reforma janë pjesë e Planit të Rritjes së Bashkimit Evropian dhe do të procedohen së shpejti për miratim në Qeveri dhe Kuvend, duke synuar një sistem drejtësie me standarde të reja profesionale në shërbim të qytetarëve.