Ministri i Drejtësisë, Jeton Shasivari, zhvilloi një takim me kryetarin e Odës së Avokatëve, Llazo Gjorgievski, ku u diskutua gjendja aktuale dhe proceset reformuese në sistemin e drejtësisë. Në fokus ishte rëndësia e bashkëpunimit të vazhdueshëm midis Ministrisë dhe profesionistëve të drejtësisë për të siguruar reforma të qëndrueshme dhe efikase. Shasivari theksoi se dialogu i hapur dhe përfshirja e zërit të profesionistëve janë kyçe për ndërtimin e një sistemi gjyqësor modern dhe në përputhje me standardet evropiane. Bashkëpunimi do të vijojë me qëllim përmirësimin e sigurisë juridike, efikasitetit dhe mbrojtjes së të drejtave të qytetarëve.