Kryesuesi i Këshillit Prokurorial të Kosovës, Arian Gashi, prezantoi para delegacionit të Bashkimit Evropian progresin e reformave në sistemin prokurorial në kuadër të Planit të Rritjes së BE-së. Gashi theksoi avancimet në Sistemin Informativ për Menaxhimin e Lëndëve, forcimin e mekanizmave të llogaridhënies dhe monitorimit të performancës së prokurorive, si dhe përparimet në sekuestrimin dhe konfiskimin e pasurisë së përfituar nga veprat penale. Ai riafirmoi përkushtimin e Këshillit Prokurorial për të vazhduar reformat që synojnë rritjen e efikasitetit, transparencës dhe integritetit institucional. Mbështetja e Bashkimit Evropian u vlerësua si thelbësore për forcimin e sistemit të drejtësisë në Kosovë.