Ministri për Punë, Familje dhe Vlerat e Luftës Çlirimtare, Andin Hoti, zhvilloi një takim me përfaqësuesit e Bankës Botërore ku u diskutua për reformat sociale dhe zhvillimin e politikave të punës në Kosovë. Qëllimi kryesor i diskutimeve ishte ndërtimi i një sistemi më të drejtë, gjithëpërfshirës dhe funksional të mbrojtjes sociale që do të përmirësojë mirëqenien e qytetarëve. Drejtori Rajonal për Zhvillim Njerëzor në Evropë dhe Azi Qendrore në Bankën Botërore, Michal Rutkoëski, informoi për progresin e Projektit të Reformës së Sistemit të Asistencës Sociale dhe për hapat e ardhshëm prioritare. Ministria theksoi rëndësinë e partneritetit me Bankën Botërore për avancimin e reformave dhe zhvillimin e politikave sociale në vend.