Eugen Cakolli nga KDI thekson se ndryshimet në ligjin zgjedhor nuk duhet të bëhen kur zgjedhjet janë në prag, duke nënvizuar se asnjë reformë substancial nuk mund të propozohet vetëm katër ditë para një skenari eventual zgjedhjesh. Ai pranon se ulja e numrit të kandidatëve për të cilët votojnë qytetarët ka bazë dhe lidhet me problemet në numërim dhe administrim, por thekson se kjo duhet të trajtohet si pjesë e një reforme gjithëpërfshirëse dhe jo si një ndërhyrje e nxituar. Cakolli kujton standardet e Komisionit të Venecias, sipas të cilave elementet themelore të legjislacionit zgjedhor nuk duhet të ndryshohen më pak se një vit para zgjedhjeve, për të ruajtur stabilitetin dhe besimin në proces. Ai shton se KQZ-ja mund të adresojë vetëm mangësitë procedurale teknike brenda kuadrit ligjor aktual, por nuk ka kompetencë të ndryshojë afatet kushtetuese apo të ndërhyjë në momentin politik të vendit.