Ministria e Drejtësisë e Maqedonisë së Veriut publikoi Raportin Vjetor për Zbatimin e Strategjisë së Zhvillimit të Sektorit të Drejtësisë 2024–2028, duke evidentuar progres të rëndësishëm në vitin 2025. Nga 116 aktivitete të planifikuara, 66 janë realizuar plotësisht dhe 50 janë në proces zbatimi, duke arritur një shkallë totale prej 56.9 përqind. Reformat në gjyqësor dhe prokurori kanë tejkaluar 81 përqind realizim, ndërsa në Gjykatën Kushtetuese janë arritur 75 përqind. Ministri Igor Filkov theksoi se këto rezultate tregojnë një dinamikë të qëndrueshme dhe angazhim institucional për të forcuar sundimin e ligjit dhe efikasitetin e institucioneve juridike.