Në Kongresin Amerikan është paraqitur Rezoluta Kongresionale 1451, e cila kërkon që sesioni vjetor i Asamblesë Parlamentare të OSBE-së për vitin 2027 të mbahet në Charleston të Karolinës së Jugut, duke kundërshtuar mbajtjen e tij në Beograd. Kjo iniciativë është nisur nga kongresmeni Joe Wilson, mbështetës i Kosovës, dhe bashkënënshkruar nga rreth 40 ligjvënës nga partitë republikane dhe demokrate. Avokuesi i çështjes së Kosovës në SHBA, Faton Bislimi, ka theksuar rëndësinë e kësaj rezolute si një hap për mbrojtjen e demokracisë dhe stabilitetit në Ballkan, duke argumentuar se Serbia vazhdon të jetë një instrument i ndikimit rus dhe ka thelluar lidhjet me Kinën dhe Iranin. Bislimi falënderoi mbështetjen e Kongresit amerikan, duke e konsideruar miqësinë me SHBA-në si një garanci kyçe për paqen dhe perspektivën euroatlantike të Kosovës dhe rajonit.