Kryetari i Kuvendit të Kosovës, Afrim Gashi, zhvilloi një takim pune me u.d. së Ambasadores së SHBA-së, Nicole Varnes, ku u riafirmuan marrëdhëniet e shkëlqyera bilaterale mes dy vendeve. Diskutimet u fokusuan në agjendën parlamentare dhe zhvillimet institucionale aktuale, duke theksuar rëndësinë e funksionimit efektiv të institucioneve demokratike dhe forcimit të rolit të Kuvendit. Palët u dakorduan për avancimin e reformave në interes të qytetarëve dhe për thellimin e mëtejshëm të partneritetit dhe dialogut strategjik. Ky takim konfirmoi angazhimin e ndërsjellë për një bashkëpunim të ngushtë dhe të qëndrueshëm në të ardhmen.