Me votimin e rikonstruimit të Qeverisë, VLEN hyn në një fazë të re të qeverisjes, duke forcuar pozicionin politik dhe duke shtuar përgjegjësitë ndaj qytetarëve. Në këtë proces, janë emëruar figura të reja në poste kyçe, si profesori Jeton Shasivari në Ministrinë e Drejtësisë, Agon Ferati në Ministrinë për Marrëdhënie Ndërmjet Bashkësive dhe Sedat Sulejmani në Ministrinë e Kulturës dhe Turizmit. VLEN do të mbajë gjithsej 6 ministri, duke përfshirë edhe sektorë të rëndësishëm si Ekonomia, Mjedisi Jetësor dhe Eurointegrimet. Ky rikonstruim shënon një kthesë ku institucionet do të shërbejnë qytetarëve me ndershmëri dhe profesionalizëm, duke lënë pas logjikën e privilegjeve dhe duke u fokusuar në punë dhe rezultate konkrete.