Ish-deputetja e PDK-së, Ganimete Musliu, ka komentuar mundësinë e rikthimit të Fatmir Limajt në Partinë Demokratike të Kosovës. Ajo theksoi se nëse Limaj ka vullnet, duhet të ofrohet, pasi PDK-ja i ka dyert hapur për çdo qytetar që dëshiron të kontribuojë për Kosovën. Musliu vlerëson se ndarja nga PDK-ja i ka mundësuar Limajt të krijojë një subjekt të ri politik, por është mëkat që ai të jetë jashtë institucioneve, pasi mund të japë kontribut të rëndësishëm për shtetin. Ajo shtoi se vendimi për rikthim duhet të merret pas takimit mes dy kryetarëve dhe më pas me miratimin e anëtarësisë së partisë.