Deputetja e Aleancës për Ardhmërinë e Kosovës, Time Kadrijaj, ka vizituar Padeshin, vendin ku gjatë luftës ishte baza e Brigadës 138 “Agim Ramadani”. Ajo ndau përvojat dhe emocionet e rikthimit në këto vende historike, duke kujtuar sakrificat dhe vështirësitë që u përjetuan në rrugën drejt lirisë së Kosovës. Gjatë vizitës, Kadrijaj takoi bashkëluftëtarë dhe familje që kishin ndihmuar ushtarët, si dhe vizitoi vendet ku u strehuan dhe mjekuan të plagosurit, përfshirë lëndinën ku avionët serbë kishin kryer sulme. Në mesazhin e saj, ajo theksoi se liria dhe pavarësia e Kosovës kanë rrënjët në gjakun e dëshmorëve dhe shprehu falënderimet për mbështetjen e Shqipërisë gjatë periudhës së luftës.