Ilir Kërçeli, ish-deputet i Lëvizjes Vetëvendosje, ka deklaruar se shumica parlamentare ka vepruar me një ritëm të shpejtë për shkak të nevojës për vendimmarrje efikase dhe jo për të shmangur demokracinë. Ai theksoi se çdo projektligj është miratuar në përputhje me procedurat kushtetuese dhe se vendimet nuk janë marrë jashtë rendit ligjor. Kërçeli shtoi se nxitimi për miratimin e disa ligjeve lidhej edhe me pritshmërinë për zgjedhje të parakohshme, duke theksuar rëndësinë e përfundimit të çështjeve të mbetura peng nga legjislatura të mëparshme. Gjatë konferencës së organizuar nga Instituti i Kosovës për Drejtësi u diskutua edhe për refuzimin e amendamenteve të opozitës, që sipas Kërçelit nuk ndodh për shkak të opozitës, por për shkak të përmbajtjes dhe ndikimit buxhetor të tyre.