Ish-kryetari i Aleancës, Ramush Haradinaj, mori pjesë në ceremoninë e rivarrimit të dëshmorit Hajdar Pepaj në Kodrali të Deçanit. Ai përkujtoi sakrificën e Pepajt dhe të gjithë dëshmorëve shqiptarë që kanë luftuar ndër shekuj për liri dhe shtet. Haradinaj theksoi se kjo sakrificë i obligon shqiptarët të forcojnë shtetin dhe të ruajnë me nder lirinë për të cilën është derdhur gjak. Në postimin e tij në Facebook, ai shprehu krenarinë për rrugëtimin e popullit shqiptar drejt lirisë dhe përkushtimin për të ndjekur shembullin e heronjve të kombit.