Më 4 tetor skadojnë licencat e dy termocentraleve kryesore të Kosovës, “Kosova A” dhe “Kosova B”, që prodhojnë mbi 88% të energjisë elektrike vendore. Për shkak të mungesës së kuorumit në Bordit të Zyrës së Rregullatorit për Energji (ZRRE), nuk mund të merret vendimi për vazhdimin e licencave, pasi emërimi i anëtarëve të bordit varet nga Kuvendi i Kosovës, i cili ende nuk është konstituuar. Kjo situatë krijon rrezikun e ndërprerjes së prodhimit të energjisë nga KEK-u, duke rritur ndjeshëm varësinë nga importi dhe koston financiare për shtetin dhe qytetarët. Ekspertët dhe ish-drejtuesit e sektorit energjetik paralajmërojnë se mungesa e një zgjidhjeje ligjore dhe politike mund të sjellë pasoja të rënda për sigurinë e furnizimit me energji në Kosovë.