Analisti politik Blerim Canaj paralajmëron se Kosova mund të futet në një cikël të vazhdueshëm zgjedhjesh nëse rezultati i ardhshëm zgjedhor nuk sjell një zgjidhje politike të qëndrueshme. Ai shpreh shqetësimin se Kuvendi mund të shpërbëhet menjëherë pas konstituimit, duke e lënë vendin në një situatë të paqartë institucionale me qeverinë në detyrë. Canaj thekson se përgjegjësia për të shmangur këtë bllokadë bie edhe mbi qytetarët, të cilët me votën e tyre do të përcaktojnë nëse do të ketë stabilitet apo zgjedhje të reja. Sipas tij, nëse kryeministri Albin Kurti fton zgjedhjet dhe nuk arrin të formojë qeverinë, vendi do të përballet me një tjetër periudhë të gjatë pa institucione të reja funksionale.