Ministri në detyrë i Infrastrukturës dhe Transportit, Dimal Basha, inspektoi rrugën Mitrovicë–Jarinjë dhe Ura e Leshakut në veri të Kosovës. Ai paralajmëroi rehabilitimin dhe zgjerimin e rrugës gjatë vitit të ardhshëm, duke theksuar rëndësinë e saj për banorët dhe sigurinë publike. Ura e Leshakut ka pësuar dëme të mëdha nga vërshimet, ndaj po konsiderohet ndërtimi i një ure të re për të garantuar qëndrueshmëri dhe qasje më të mirë. Gjatë vizitës, Basha falënderoi edhe zyrtarët kufitarë për punën e tyre dhe theksoi se investimet në infrastrukturë dhe siguri janë pjesë e përpjekjeve për të mbajtur Kosovën të bashkuar dhe të sigurt.