Sekretari i Përgjithshëm i NATO-s, Mark Rutte, ka vlerësuar Kosovën si një partner të rëndësishëm në përmirësimin e situatës së sigurisë në rajon. Ai theksoi se, megjithëse disa vende nuk e njohin Kosovën, fokusi kryesor mbetet forcimi i misionit të KFOR-it për të garantuar stabilitetin. Sipas Rutte, situata e sigurisë në Kosovë është përmirësuar dhe për këtë arsye është vendosur që numri i trupave të KFOR-it të rikthehet në nivelet para vitit 2023, duke qëndruar në rreth 3,000 deri në 3,500 ushtarë. Ai gjithashtu nënvizoi rëndësinë e veprimit brenda mandatit dhe kornizës ligjore aktuale, duke lënë të hapur mundësinë e mbajtjes së një pranie të konsiderueshme ushtarake në varësi të zhvillimeve të ardhshme.