Ministria e Punëve të Brendshme ka publikuar raportin statistik për muajin qershor 2026, që përfshin të dhënat mbi shtetësinë, migracionin, azilin dhe lejeqëndrimet në Kosovë. Gjatë këtij muaji janë lëshuar 872 lejeqëndrime të përkohshme dhe 12 të përhershme, ndërsa janë marrë 100 vendime për lirim nga shtetësia. Për fitimin e shtetësisë janë regjistruar 292 vendime pozitive dhe 257 negative, ndërsa për rifitimin e saj janë dhënë 556 vendime pozitive dhe 9 negative. Në fushën e migracionit, 72 migrantë janë akomoduar në Qendrën e Përkohshme të Pritjes, janë regjistruar 8 aplikime për azil, dhe nuk ka persona të ndaluar në Qendrën e Mbajtjes për të Huaj.