Kryetari i Partisë Demokratike, Sali Berisha, ka konfirmuar se do të rikandidojë për drejtimin e partisë në procesin zgjedhor që do të mbahet më 23 maj. Ai theksoi se neni 48 i statutit të PD-së, i cili ndalon rikandidimin e kryetarit nëse ka humbur zgjedhjet e fundit, nuk i zbatohen në këtë rast, pasi zgjedhjet e vitit të kaluar i konsideron si një farsë elektorale dhe jo si zgjedhje të rregullta. Berisha u shpreh i vendosur për të mos ndryshuar këtë nen, por për ta “ngrirë” atë për garën e 23 majit, duke argumentuar se ndryshimet në statut janë normale para çdo Kuvendi dhe se ky nen flet vetëm për zgjedhje normale. Përgjigja e tij ndaj pyetjes në konferencën për media ishte e prerë: “Kush të tha që jo?”, duke treguar qartë vendosmërinë për të vazhduar drejtimin e PD-së edhe për katër vitet e ardhshme.