Sali Berisha do të jetë kandidati i vetëm në garën për kryetar të Partisë Demokratike, pasi të gjithë rivalët e tij janë skualifikuar nga Komisioni i Organizimit dhe Kontrollit të Operacioneve Elektorale (KOKOE). Mereme Sela dhe Vladimir Mulaj, të cilët fillimisht paraqitën kandidaturat, u skualifikuan për shkak se nuk plotësonin kriteret statutore, duke munguar profili i lartë politik dhe eksperienca drejtuese në nivele elektorale kombëtare dhe rajonale. KOKOE vlerësoi se dokumentacioni i Berishës ishte i plotë dhe i rregullt, ndërsa kërkesat e tjera u refuzuan për mosplotësim të kushteve statutore. Kandidatura e Berishës do t’i propozohet Kryesisë së PD-së, e cila pritet të mblidhet më 23 maj për të shqyrtuar më tej procesin, duke lënë kështu garën me një kandidat të vetëm.