Ish-ushtruesi i detyrës së ministrit të Drejtësisë, Blerim Sallahu, ka deklaruar se Kosova nuk do të shkojë në zgjedhje të jashtëzakonshme nëse Presidenti i vendit nuk zgjidhet deri më 4 mars 2026, në rast se kjo ndodh për shkak të bojkotit të deputetëve në seancë plenare dhe mosvotimit në tri raundet e përcaktuara me Kushtetutë. Ai ka theksuar se sipas strukturës kushtetuese dhe aktgjykimit KO29/11 të Gjykatës Kushtetuese, shpërndarja e Kuvendit dhe zgjedhjet mund të ndodhin vetëm pasi të jenë shteruar tri votime dhe asnjë kandidat të mos marrë mbështetjen e nevojshme prej 80 votash në dy raundet e para dhe së paku 61 vota në raundin e tretë.